Great articles about stock and investment
投資教學文章

Here is a collection of great articles about stocks, TA, investments.

Home | Gold | News | TA (技術分析) | Futures & Options (期指期權) | Articles (文章) | (討論區)

「長短棍」(Santa Monica Technique),「牛眼投資法」


《金融時報》今年曾推介「Santa Monica Technique」,今年回報率達十倍,的確好,但非一般散戶可運用。上述策略簡單D講就係唔理會大市升降,而利用「長短棍」方式買入睇好行業股,同時拋空睇淡行業做對沖。今年拋空對象自然係美國金融股及房地產股,買入對象係高科技股,結果兩頭贏,例如次按保險股MGIC今年5月至今回落71%,蘋果、 Google等又大升。明年計劃拋空項目係軟件公司,睇好項目係製造業中高科技股。

  今年另一成功策略就係「牛眼投資法」,發明者係 John Mauldin,並2004年出書推介。我老曹係最先向香港讀者推介呢個方法作者,並由2004年起採用佢方法。利用牛眼投資法係每年追求「三位數字」(即100%)或以上回報。

  牛眼投資法第一步係「Invest like a venture capitalist」,即專攻二線股,事前做足搜集工夫,搵出邊D行業正進入起飛期或轉虧為盈期。牛眼投資法較適合散戶採用,但必須自己做足功課,千萬不可跟我老曹買,因為專家如David Webb 去年聖誕前推介股份,今年琤肏數大升40%環境下仍跌27%;世上並冇必殺技也!作為venture capitalist,就係當一間企業開始轉虧為盈時立即介入,而非等到人人叫好時才介入。Early bird catches the worms,又或者投資D引入創新意念企業,最典型例子係呢幾年蘋果引入iPod後再引入iPhone,令蘋果股價由5美元升上180美元!本港成功例子如利豐(494)及思捷環球(330),利豐引入環球性採購概念,今天已成為藍籌股;思捷環球全力拓展歐洲品牌市場,亦成就非凡。如佢地起步期時已介入,各位如今已成為小富。另一機會五年前,港人由睇唔起國企、紅籌股轉為愛上國企、紅籌股所提供投資機會,例如森池兄推介國壽(2628)今年亦發足狂奔。唔好人云亦云,訓練自己成為「Top Gun」(股市第一槍手)或小李飛刀(例不虛發)。

  如何利用地緣政治及宏觀角度協助自己揀股?美元由2002至07年回落,既產生危機,亦出現大量商機;油價由10美元升上100美元,亦帶來危機同商機;金價由252美元升上845美元亦帶來機會……。任何事物都有正反兩面,睇錯市唔緊要(人誰無錯?),蝕15%離場;睇市便咬住唔放,最低要求100%回報。至於大藍籌股,留番畀退休人士或已經發達人士,並非仍在追求發達人之對象。明年唔易再透過投資大藍籌股去賺取大利;反之,二線股仍有機會,包括巴西、俄羅斯、印度及中國內需股,相信純利仍以雙位數上升。金磚四國經濟正由出口導向型轉為內需推動型,內需增長估計可維持到2010年。未來推動世界經濟引擎再唔係美國、歐洲、英國同日本,而係四大金磚國。財富正由OECD國家流向新興工業國,未來財富唔再自石油股、能源股及資源股,因為佢地正面對巨大成本上升及低邊際利潤,而且油價已升至半天高;新機會來自內需股及高科技股。



> 更多投資文章
> 更多金價文章



必看推介:



Home of article collection


If you have any useful gold related links, you are welcome to tell me about that.
Copyright softbath.com 2006
All rights reserved